Қазақстан мен Әзірбайжан арасындағы дипломатиялық қарым-қатынас қазығының қағылғанына биыл тура 25 жыл. Айтулы дата аясында Сыр өнерпаздары ежелгі өркениет орталықтарының бірі саналатын Баку қаласында гастрольдік сапармен жүр. Сыйластық пен достыққа негізделген мәдени шараның алғашқы күні облыстық филармония өнерпаздары концерт қойып, туыстас халықтың ерекше ықыласына бөленді.
