Алматы қалалық әкімдігінің Мәдениет және архивтер басқармасының ұйымдастыруымен 2018 жылдың 14 мамыры күні сағат 17:00 де Жамбыл атындағы Қазақ Мемлекеттік филармониясында КСРО халық артисі, Қазақстанның мемлекеттік сыйлығының лауреаты, композитор Құдыс Қожамияровтың туғанына 100 жыл толуына арналған салтанатты кеш өтті.

Қазақстан Республикасының Мемлекеттік академиялық симфониялық оркестрі мен Б.Байқадамов атындағы мемлекеттік хор капелласының сүйемелдеуімен өткен кеште композитордың ән-романстары, фортепианоға арналған Поэма-прелюдиясы,«Назугум» операсы мен «Чин Томур» балетінен фрагменттер, «Гүлдене бер, Жетісу!» ораториясы, «Вәтән» кантатасы және т.б. музыкалық шығармалары ойналды.

14.05.2018

https://sn.kz/kk/sn-adebiet-zhane-oner/36705-almatyda-sazger-dys-ozhamiyarovty-100-zhyldy-yna-oraj-saltanatty-kesh-tti